SBI-in ṭanpuina an hlân

State Bank of India, Regional Business Office chuan International Women's Day pualin nimin khan an pisaah sum sanction letter leh hmanrua hlanna inkhawm an buatsaih a; MzSRLM chief executive officer Lalchhandami'n hmanpuiin, hmeichhia, kutkawih eizawnna buai-puitute hnenah sanction letter a hlân.

Inkhawmah hian Stand-up India hnuaiah pawl pali hnenah loan cheng nuai 80 lakna tur sanction letter leh self help group pathum hnenah cheng nuai 8 sanction letter hlan a ni. Serchhipa MHIP-te hnenah hman nawn theih sanitary pad 500 an hlan bawk a, hei hi Serchhip district-a hmeichhia, khawsak harsa zawkte tana pek a ni.