Chhiatna thlenna hmun enfiah

Champhai South bialtu MLA TJ Lalnuntluanga chuan, nimin khan Champhai khawpui leh a chhehvela tun hnai ruahsûr nasa vanga chhiatna thlengte a hmunah kal chilhin a enfiah a, district thuneitu leh sorkar department hotute nen hmalak dan tur an ngaihtuah.

TJ Lalnuntluanga chuan, khawtlang anga chhiat tawhna hrang hrangte hriatpuia a ṭul anga hmalak theih dan turte enpui tuma Champhai tlawh a nih thu a sawi a, "Duh ang­in hmalak zung zung theih ni lo mah se, tuna mamawh zualpuite chu a theih anga pek zel a ni ang. Ruahsur nasa vanga Champhai leh a chhehvela chhiat tawhnate sorkarin a hriatpui a, Chief Minister pawhin a ngaihven reng a, chhawmdawlna pek a inhuam reng a ni," a ti. Chhiatna hrang hrang endikna hmunah hian district bawrhsap Maria CT Zuali hoin official eng emaw zat an kal a ni.