Dilkawnah in panga a kâng ral

Nimin chhun khan Champhai district-a Dilkàwn khuaah in panga a kan ral bakah, in dang pahnih a kâng nual a, mihring thi leh hliam an awm lo.

Dilkawn aṭanga thu dawn danin, Dilkawn khua hian nimin khan lo an hâl a, mei a chhuah avangin ṭhelh turin an khuaa kum 13 chin chung lam zawng zawng, hmeichhia pawh telin an inko khawm a, ram kâng ṭhelh turin an chhuak deuh vek a ni.

Khuaa mi tam zawkte ram lama an chhuah laiin chhun dar 12 velah Remruatpuia in hnuai aṭangin kângmei a chhuak a, in dang a kâng kai zel a ni. Ram lama awmte hrilh nghal an ni a, anni hoin in kanna an thlen chuan ṭhelh mih theih lohin a lo kâng nasa tawh a ni. Kângmei chhuah chhan hriat a ni lo.

In kâng ralte chu - Remruatpuia in bakah, Lalrosiama, Liantluanga, Romana leh Laltlanzauva te in a ni a; a bul hnaia in dang pahnih erawh chu kàng kai hman mahse chhan hman a ni thung.