Rate aia sanga cement mistiri chhawr lo turin CYMA-in an ngen

Central YMA chuan thuchhuah siamin, Mizorama cement lam hnaah ṭheka rate mumal zawk a awm theih nan ruahmanna siam a nih thu an tarlang a, ṭheka rate an siam chu zawm tur leh rate siam aia sanga cement mistiri chhawr lo turin mipui an ngen.

CYMA tarlan danin, Mizorama cement work hna hrang hrangah hnam dangte'n an duh zat zat an inchhiar a, ṭheka-in hna an thawk ṭhin a; chu chu ṭha lo an tih avangin ṭheka rate siam turin hma an la a, Mizoram Mistiri Association leh páwl hrang hrangte nen inráwn khawmin hma an la ṭhin a ni.

YMA Central Executive Committee member-te March 6, Thawhṭanni zana ṭhukhawm chuan Mizoramah mumal taka cement lam hnaah ṭheka rate a awm theih nan ruahmanna an siam a, "Hei hi mipuite'n zâwm ṭheuh tur leh hei anga sanga mistiri chhawr lo turin kan inngen a, YMA branch tinte pawh an huam chhungah zawm ṭhat a nih leh nih loh thlithlai nghal turin kan inhriattir bawk a ni," an ti.