Deputy CM-in sorkar hmalakna a enfiah

Deputy chief minister Tawnluia chuan nimin zing khan a bial chhung, Khawzawl khawpuia sokar hmalakna hrang hrang a tlawh a, chawhnuah Zuchhip khuaa Chhanchhuahna Home leh Hmuncheng khua a tlawh bawk.

Tawnluia hian Khawzawl DC, DRO leh DUDO pisa te, District Veterinary Hospital leh DEO training hall sak mek te, SASCI leh SEDP sum hmanga inkalpawhna kawngpui thawm ṭhat mek te, Electric Venga basketball court-te a enfiah a; hna thawktute leh viltute chu a hma thei ang bera zo turin a chah.

Deputy Chief Minister hian chawhnuah Khawzawl Zuchhipa Chhanchhuahna Home a tlawh a, ṭanpuina Rs 20,000 a hlan. Hmuncheng tlawhin, community hall-ah vantlang inkhawm a hmanpui a, khawtlang mamawh leh hmalak dan turte sawiho a ni.

Sorkar thuchhuah tarlan danin, Hmuncheng khuaah hian Jal Jeevan Mission hnuaiah cheng nuai 194.64 hmangin Hmunpui lui tui lak hna thawh mek a ni a, hna 80% zawh tawh niin, March 2023 chhunga zawh hman beisei a ni. JJM kaltlang hian khaw chhunga in tinah tui connection pek a ni tawh a, tuizem lian litre 35,000 dawng siam zawh tawh a ni bawk.