Police pahnih kâp hlumtu dem

ZPM party chuan thuchhuah siamin, March 5, 2023 (Pathianni) zana ramri venga duty police-te zingah Hav. Bimal Kanti Chakma-in a police pui pahnih a kap hlum chu an dem tak zet a, pawi an tih thu an tarlang.

ZPM chuan, "Hav. J Lalrohlua leh Hav. Indra Kumar Rai te an thawhpui Hav. BK Chakma-in an duty-na hmuna a kâp hlum hi hriatthiam har kan ti a, pawi kan ti tak zet. Hetiang thu lungchhiatthlak leh thinṭháwng tak mipuiin kan hre ta mai hi pawi kan ti tak zet a, chhiat tâwk chhungte kan tawrhpui tak zet a ni," an ti. MNF hruai Mizoram sorkar chu ramri vengtu police-te ngaihsak lehzual turin an ngen nghal bawk.