SHG-te tan Mela buatsaih

NABARD leh World Vision India chuan International Women’s Day (March 8) pualin nimin khan Lungleia Art & Culture Exhibition Hall-ah 'Exhibition/Mela for SHG' an buatsaih a, district bawrhsap Ram-dinliani'n a hawng.

Exhibition-ah hian Lunglei khawpui chhunga self help group 20 bakah, Lunglei Entrepreneur Forum leh Women & Child Development department-te an tel a, stall 22 siam a ni.

Lunglei DC Ram-dinliani chuan, Inter-national Women’s Day chu hmeichhiate tan ni pawimawh leh chhinchhiah tlak a nih thu a sawi a; exhibition chu SHG-te hmalakna hrang hrangah phûr tharna leh chona thar siamtu a nih ngei a beisei thu a sawi bawk.