Police-te'n kuhva rah an man

Saitual police-te chuan March 7, Thawhlehni khan Lalṭhazuala (42) s/o Kiamlova (L), Lungdai, Kolasib district nia inchhál khalh truck-ah Myanmar aṭanga dan loa lak luh nia hriat kuhva rah ip 100 (kg. 8,000 vel) an man. Kuhva rahte chu Champhai Zotlang aṭanga Aizawl phurh thlen tum nia hriat a ni.

March 7, 2023 vêk zing dar 7 vel khan Khawzawl police-te pawhin lirthei pakhatah Myanmar aṭanga dan loa lak luh kuhva rah ip 120 (kg. 9,600 vel) an man a, lirthei khalhtu Malsawmdawnga (20) s/o Bawihliana (L), Ruantlang, Champhai nia inchhál an man bawk.

Police-te chuan kuhva rah an mante chu Customs Preventive Force hnenah an hlân a ni.