AYUSH doctor-te'n inkhawmpui an hmang

Mizoram AYUSH Doctor Association (MADA) chuan March 7, Thawhlehni khan Chuailo Resort-ah General Conference vawi 15-na an hmang a, hna thawhna hmun ṭheuhah sorkar tana rinawm taka thawk tura infuih tharna hun an hmang.

MADA inkhawmpui hi vice president (Ayurveda) Dr David C Lalrinmawia'n a kaihruai a, vice president Dr C Vanlalhlimpuia (Homoeopathy)-in hunserh a hmang. Directorate of AYUSH report ngaihthlak a nih bakah, inzirtirna leh infuihna hun an hmang a ni.

AYUSH Directorate hmalakna hrang hrang, State Medicinal Plant Board leh National AYUSH Mission hmachhawpte an sawiho a; Mizoram health system a chak zawk theihna turte leh hmalakna turte an sawiho bawk.

Chawhnu lamah kum 2023-2025 chhunga MADA office bearer tur an thlang a; president atan Dr C Vanlalhlimpuia leh general secretary atan Dr H Lalsangliana te an thlang.

MADA-ah hian member mi 250 vel an awm a, chu'ng zinga mi 80 vel chu sorkar hnuaiah an thawk a, a ngheta thawk tlem awmin, a tam zawk chu NAM, NHM, RBSK, adt. hnuaia thawk an ni.