Mizo Upa Pawl-in inkhawmpui hmang

Mizo Upa Pawl, Lunglei chuan nimin khan Saikuti Hall-ah General Assembly vawi 49-na an hmang a, Lunglei bawrhsap Ramdinliani khuallian a ni.

Ramdinliani chuan, upate chu chhungkaw tan malsawmna leh zahawmna thlentu an nih thu sawiin, ṭhangthar tam takin upate hlutna leh zah nacháng an hre lo chu pawi a tih thu a sawi a; Mizo Upa Pawl-in ṭawng humhalhna tura nasa taka hma an la chu lawmawm a tih thu a sawi bawk.

Mizo Upa Pawl, Lungleiah hian unit 136-ah member 10,185 an awm a, kum 60 tling chin an tel thei a, sub-headquarters pakhat (Hnahthial) a nei. Mizoram Upa Pawl (MUP) nen páwl hrang a nia thu dawn a ni.