Damdawi zuartute training neihpui

Champhai leh Hnahthial district-a damdawi zuartu (drugs dealer)-te tan nimin khan Champhai IPR Auditorium-ah orientation training neih a ni a, Directorate of Health Services (DHS)-a drugs controller and licensing authority Lalsawma Pachuau-in a hmanpui.

Lalsawma Pachuau chuan, damdawi zuartute chu damlote thih leh dam chungchangah mawhphurhna lian tak nei an nih thu sawiin, "Damlote'n an mamawh tak damdawi an ei theihna turin in pawimawh hle. Damdawi zawrh hi thil dang zawrh nen a inang lo a, licence neih ngai a nih avangin department pawh a fimkhur a, a zuartute pawh kan fimkhur hle a ngai," a ti a, damdawi zuarte tana zawm tur dante zâwm ṭha turin a chah.

Training-ah hian damdawi zuartu mi 208 an tel a; an mawhphurhna te, dan bawhchhiatna awm thei leh a hremna te, mihring tana ṭha lo leh damdawi lem zawrh palh theihna laka fimkhurna turte an inzirtir a ni.