International Women’s Day hmang

Women & Child Development, Serchhip District Project Office chuan nimin khan AH&Vety hall-ah International Women’s Day, 2023 an hmang a, Serchhip SDO (Sadar) Lalzikpuii'n a hmanpui.

Lalzikpuii chuan, India ram zau zawkah hmeichhiaten hmasawnna hmel an hmuh hleihtheih loh laiin chanchinṭha avangin Mizoramah hmeichhiaten nasa takin hma an sawn tih sawiin, "Chanchinṭha thlentute hlutzia a lang fiah ṭhin a ni," a ti.

Mizoramah hmeichhiaten hna zahawm leh ṭha tak tak an thawk tih sawiin Lalzikpuii chuan, "Kohhran leh khawtlangah te, infiamna kawngahte pawh hmeichhiaten hma kan sawn nasa em em," a ti a, ram hruaina hna thleng pawhin dinhmun pawimawh an luah thu a sawi.

Khualzahawm Women & Child Development dy. director R Lalmuankimi chuan International Women’s Day chu hmeichhiate tan ni ropui tak a nih thu sawiin, "Mizote pawhin hlut nachang kan hre ve zel a, a lawmawm hle a ni. Pathianin hmeichhiate a siam danah mipa aia âwm nêm zawk ni mah ila, rilru leh theihna zawng zawng hmanga a taka hna kan thawh chuan chhungkua leh khawtlang kan khaiding ṭhin a ni," a ti.

He hunah hian mithiamte'n Day thupui - 'DigitALL: innovation and technology for gender equality' (Hmasawnna thil thar leh khawl hmanga thiamnate hmeichhia leh mipa intluktlanna atan) tih chungchang an sawifiah.