'Pu Zoramthanga Rûn' hawng

Art & Culture minister R Lalzirliana chuan nimin khan Samthang khuaah 'Pu Zoramthanga Rûn' a hawng a, Zoramthanga chanchin ziahna lehkhabu a tlangzarh bawk.

Pu Zoramthanga Rûn hi chief minister Zoramthanga Chawimawina Organising Committee bultuma sak a ni a, a hmun leina leh a sakna nen Rs 10,56,115 sèn a ni.

R Lalzirliana hian Vaphai khuaah MGNREGA sum cheng nuai 11 hmanga sak Lal Muala Bazar a hawn bakah, Thlangtlak Muala hmalaknate a en a; Vaphai Hmawngpui zaua leilet siamtute power supply pek nan 100 KVA transformer bun tuma hmalak a nih thu sawiin, "Mizorama leilet zau hrang hrang 26-ah power supply pek hna kalpui mek a ni a, hma thar la turin zau hrang hrang 51-ah cheng vbc. 26 senga hmalak tum a ni," a ti.

Minister hi East Tuipui bialtu MLA Ramthanmawia, Champhai North bialtu MLA Dr ZR Thiamsanga, Champhai DC James Lalrinchhana, SP Lalrinpuia Varte leh mi pawimawh dangte'n an ṭawiawm a ni.