Army Day pualin Assam Rifles-in hun hmang
Assam Rifles-te chuan nimin khan Army Day vawi 71-na an hmang a; Aizawlah chuan 'Know Your Army' tih thupui hmangin AR Middle School-ah zirhona buatsaih niin, Serchhipah zirlaite tan ralthuam phochhuahna (weapon display) hun hman a ni thung.
Aizawla Assam Rifles-te chuan AR 23 Sector / Inspector General of AR (East) hnuaiah 'Lecture on Know Your Army' an buatsaih a, sipai leh a kaihhnawiha luh theih dan hrang hrangte zirlaite an hrilhfiah a ni.
Serchhipa inkulh Assam Rifles pawhin nimin vek khan Army Day lawm nan weapon display hun hmangin zirlai naupangte hmuh theih turin ralthuam chi hrang hrang an pho chhuak a; Serchhip Higher Secondary School-a zirlaite leh zirtirtute bakah, AR sipaia nunaute'n an en a ni. Weapon display-ah hian sipaite chuan an ralthuam phochhuahte chu naupangte hnenah an hrilhfiah nghal zel a ni.