Hmun pahnihah kuhva rah ip 545 man

Hachhek Bial Kuhva Chingtu Pawl (HBKCP) chuan March 11, Inrinni zan khan Zamuangah Myanmar aṭanga dan loa lak luh nia hriat kuhva rah ro ip 210 an man a, police hnenah an hlan. Kuhva phurtu lirthei khalhtute sawi danin, kuhva rahte chu Phaisen aṭanga an phurh a ni. HBKCP hian March 3, 2023 pawh khan Zamuangah vêk kuhva rah ip 379 an lo man tawh bawk.

Serchhip Sailiamkawna duty police-te pawhin March 9, 2023 khan Keiṭum khuaah lirthei pakua aṭangin Myanmar aṭanga dan loa lak luh nia hriat kuhva rah ip 335 (kg. 23,450 vel) an man. Kuhva rahte chu Khuangleng, Champhai aṭanga phurh, Aizawl, Lunglei, Serchhip leh Tlungvela phurh thlen tum nia hriat a ni a; Lungleia Custom Preventive Force Superintendent hnenah hlan a ni.