MP Rosanga zawhna ziakin chháng

Parliament budget session-ah nimin khan Mizoram Lok Sabha MP C Lalrosanga zawhna ziaka chhan a ni a; sorkar laipuiin Covid-19 vanga thla 18 chhung dearness allowance a pek kim loh (arrear) tling khawm chu sorkar laipui hnathawkte leh pensioner-te hnenah pek tumna a awm lo tih tarlan a ni.

Sorkar thuchhuah tarlan danin, "Pu C Lalrosanga, MNF zawhna chhangin Finance minister of state Pu Pankaj Chaudhury chuan sorkar laipui hnathawkte DA leh sorkar laipui pensioner-te dearness relief instalment thum chu sum leh pai lama nasa taka harsatna thlentu Covid-19 avanga sorkar laipui phurrit chhâwk zângkhai tura tihtawp (freeze) a ni," a ti.

"Kum 2020-a Covid hripui léngin sum leh pai dinhmun chhiatna a thlente avang leh chu'ngte avanga 2020-21 hnu lam thlenga sorkar laipuiin mipui hmakhaw ngaia sum sénga hma a laknate avangin kum 2020-21 báwr vela DA/DR pek hi tih chi-ah ngaih a ni lo," tia tarlan a ni.

Covid-19 hripui léngin sum leh pai dinhmun a nghawng tihziaawmna atan DA leh DR pek kim loh aṭangin cheng vbc. 34,402.32 hum leh hman ṭangkai a nih thu Pankaj Chaudhury chuan ziakin C Lalrosanga a hrilh bawk.