MyGOV chungchang sawiho a ni

Sorkar laipuiin sorkar ṭha (good governance) siamna tura a ruahman, MyGOV Mizoram chungchangah nimin khan chief secretary Dr Renu Sharma hoin CS conference hall-ah sorkar hotute an ṭhukhawm.

Chief Secretary chuan, MyGOV platform chu ṭha taka kalpui a nih theih nan deparment hrang hrang thawhpuina ṭha a ngen a, "MyGOV platform-in a tum ber chu mipui hnena sorkar hnuh hnaih a ni a, sorkarin thutlukna a siam turah mipui tel ve a, mipuite'n sorkar an khalh ngil theihna tur leh sorkar inrêlbàwlnaa mipuite'n chanvo pawimawh tak an neih theihna tur a ni," a ti.

Sorkar deparment hrang hrang hmalaknaa mipui nghawng thei thilah mipui ngaihdan leh duh dan lâk a nih dawn thu te, chu chuan sorkar thutlukna ṭha, ram leh hnam hmasawnna dik leh mipui sorkar dik tak a thlen theih dawn thu Dr Renu Sharma chuan a sawi bawk.

MyGOV platform hi sorkar laipui chuan July 26, 2014 khan a hmang ṭanin, state 21-in an hmang tawh a, Mizoramah pawh hman mek a ni. MyGOV hi National Informatics Centre (NIC) siam a ni a, Mizoramah Information & Communication Technology (ICT) depart-ment chu nodal depart-ment an ni.

Ṭhutkhawm hi MyGOV inhmelhriattirna atan hman a ni a, MyGOV Mi-zoram hnuaiah depart-ment hrang hrangin nodal officer an ruat ang a, nodal officer-te chu ICT department-in training an neihpui dawn a ni.