World Glaucoma Week hman a ni

March 12 aṭang khan World Glaucoma Week a inṭan a, he ni pual hian nimin khan National Programme for Control of Blindness and Visual Impairment (NPCBVI) chuan Kulikawn YMA Hall-ah MUP member-te tan a thlawna mit entirna an buatsaih.

Mit pressure sang vanga harsatna awm thei chungchang inzirtirna leh a dona ni, World Glaucoma Week puala Free Eye Screening-ah hian NPCBVI state programme officer Dr Lalbiaksiami'n glaucoma chungchang a sawifiah a; kum upa lam tan mit enkawl ṭhat a pawimawh zual thu a sawi.

Free Eye Screening-ah hian NPCBVI thawktute leh Synod Hospital-a Ophthalmic department leh Caridad Society, Aizawl Hospital-te'n kum upate mit an enfiah a, MUP member mi 90 chuang an inentir a ni.

World Glaucoma Week hi kum tin March thlaah hman ṭhin a ni a, kuminah hian March 12-18 chhungin hman tur a ni.