SEDP Governing Board ṭhukhawmin SEDP ṭanpuina sem dan tur an rêl

SEDP Governing Board chu chief minister Zoramthanga hoin nimin khan CMO conference hall-ah an ṭhukhawm a, kum 2023-24 chhunga SEDP sum hman dan tur an sawiho. Kum 2022-23 chhunga mi 60,000 hnena ṭanpuina second instalment sem tur chu a kaihhnawih department-te hnenah pek a ni tawh.

Ṭhutkhawmah hian sorkar kum thar 2023-24 chhunga Socio Economic Programme (SEDP) sum hman dan tur te, ṭanpuina dawng tura thlan tawhte bak mi dang thlan leh dan tur te, ṭanpuina sem hun tur leh a kaihhnawih thil pawimawh dangte sawiho a ni.

Kum 2022-23 chhunga SEDP ṭanpuina first instalment dawngtu mi 60,000 hnena second instalment pek tur chu a kaihhnawih department-te hnenah pek a nih tawh thu tarlan a ni a; 'Beneficiary-te hnena kimchang taka pek thuai a nih theih nan kumin March thla ral hma hian buaipui ngai tur zawng zawng tifel tura bawhzui nghal ni se,' an ti.

Ṭhutkhawmah hian deputy chief minis­ter Tawnluia, minister pasarih - Dr R Lal­thangliana, Lalchamliana, R Lalzirliana, K Lalrinliana, Lalchhandama Ralte, Lalruatkima leh TJ Lalnuntluanga an tel a; Planning Board vice chairman H Rammawi leh Planning secretary Lalmalsawma Pachuau te an tel bawk.