Mizo hmarchatê USA-ah thawn

Agriculture minister C Lalrinsanga chuan nimin khan Haulawng YMA Rúnah Nevada, USA-a thawn tur Mizo hmarchatê (bird's eye chilli) kg. 7,500 a vailiam. Mizo hmar­chatê hi Lunglei, Siaha leh Lawngtlai district-a farmer producer compa­ny (FPC) 12 hnuaia kut hnathawktute thar a ni.

Mizo hmarchatê USA-a thawn chhuah tur hi International Com­petence Centre for Organic Agriculture (ICCOA) leh Mission Orga­nic Mizoram (MOM)-te hmalakna a ni a, Mission Organic Value Chain Development for North Eastern Region (MOVCD-NER) hnuaiah kalpui a ni. Hmarcha phurtu lirtheiin Visakha­pat­nam, Andhra Pradesh thleng a phur ang a, chuta ṭang chuan Sus Agri Development, Bengaluru nen ṭang dunin USA-ah thawn a ni ang.