LMC Ward XI chungchanga YMA hmalakna chhunzawm lo

Lunglei Municipal Council (LMC) Ward 11-na, Zobawk leh Lungpuizawl khaw mipui zinga tam takin LMC-a tel an duh loh avanga hmalakna chu an kaltlangpui dawn lo nia thu dawn a ni.

LMC-a tel loh chungchanga inrâwn-khawmna March 12, 2023-a huaihawttute zinga Zobawk South YMA hruaitute chuan, hmalakna an neih zui loh thu Vanglaini palai a hrilh a, "Mipui pressure a na viau a, YMA hmalakna tur ni chiah lo mahse YMA-in kan bawhzui a ni. Mahse, kan inhmuhkhawmnaah party aiawhte an tel kim lo a, rorel tak tak theih a ni lo. Tunah hun a teptèr tawh bawk nen, inthlan hi kan hmachhawn ve phawt dawn ta a nih hmel," a ti.