LMC inthlan tura symbol tlangzarh

Lunglei Municipal Council (LMC) inthlanna atana candidate-te chhinchhiahna (symbol) tur chu nimin khan municipal returning officer Donny Lalruatsanga leh M Misael-te'n an tlangzarh.

Symbol tlangzarhna inkhawm hi LMC Ward – I, II, III, IV, V candidate-te tan Lunglei Circuit House con-ference hall leh Ward - VI, VII, VIII, IX, X, XI candidate-te tan DRDO conference hall-ah neih a ni. Political party-te symbol chu BJP - lotus, Indian National Congress - hand (kutphah), Mizo National Front - star (arsi) leh Zoram Peoples Movement - sun with rise (ni chhuak) a ni.

Nimin vêk khan Lunglei Convention Centre-ah LMC inthlana candidate leh election agent-te pualin inthlan kaihhnawiha hriat tur leh zawm tur hrang hrang inhrilhfiahna neih a ni.