DIG-in hmeichhe police-te a kàwm

DIG (Northern Range) Lallianmawia chuan nimin khan Aizawl khawpui chhunga police hmeichhiate kàwmin, an hnathawhna hmunah harsatna an tawh leh tawh loh a zawt a, thil pawimawh dangte a sawipui nghal.

Inkawmhonaah hian Mizoram Police-ah hmeichhia an tlem lutuk avanga harsatna an tawh dan leh police station tinah hmeichhia pahnih khat tal awm vek theih an mamawh thute sawi a ni.

DIG chuan hmeichhe police-te harsatna tawh ang angte sutkian dan ngaihtuaha bawhzui zel a tum thu sawiin, a chhe mi ni loa a ṭha mi nih tum ṭheuh tûrin a fuih.