Silai leh kuhva rah man

Assam Rifles sipaite leh CID (Special Branch)-te chuan nimin khan Chite Vengah ralthuam eng emaw zat an man a; AR-te hian March 15, Nilaini khan Champhai Zote-ah Myanmar aṭanga dan loa lak luh kuhva rah ip 110 an man bawk.

CID (SB) leh Assam Rifles-te chuan an thu dawn bawhzuiin Chite Venga hmun ṭhenkhatah lirtheite an enfiah a, .22 pistol pahnih, a magazine pahnih leh a mu eng emaw zat an man a; ralthuam kawltu mi pahnih leh Royal Enfield Bullet bike MZ-01 N-7315 an man bawk a ni.

Assam Rifles sipaite chuan March 15 khan Champhai Zote-ah dan loa Myanmar aṭanga lak luh kuhva rah ip 110 an man a, mi pahnih an man tel. Kuhva rah an man chu cheng nuai 61.6 hù a ni a, Champhaia Customs department hnenah an hlân a ni.