Sorkar ukilte tan zirhona buatsaih a ni

Sorkar ukil leh dan lam kaihhnawih officer-te pualin nimin khan Taxation auditorium-ah dan leh an hna kaihhnawih thilte zirhona buatsaih a ni a, legal adviser to chief minister C Lalramzauva leh chief secretary Dr Renu Sharma ten an hmanpui.

C Lalramzauva chuan, court-in dik leh chak zawka thutlukna a siam theih nan ṭha taka court puihtu ni turin sorkar ukil-te a ngen a, "Mimal dikna chanvo zahsak a ṭul rualin, dik taka dan kenkawh a nih theih nan thawk ang che u," a ti a; Mizoramah The Limitation Act, 1963 hman a nih tawh avangin sorkar ukilte chu hna an thawhnaah hmanhmawh thiam a, hun tiama law suit file leh appeal huna appeal thei turin a chah.

Dr Renu Sharma chuan, state dangte ngaihtuahin Mizoramah court case-a tlem thu leh lawmawm a tih thu a sawi a; thiamna chhuak tharte hmang ṭangkai turin kal khawmte a chah bawk.