MZU-ah NCC dah tum a ni

National Cadet Corps (NCC) director general Lt.Gen. Gurbirpal Singh leh a hote chuan nimin khan Governor Dr Hari Babu Kambhampati chu Raj Bhavan-ah an kâwm a; Mizoram University-ah NCC dah tura hmalak mek a nih thu a sawi.

Governor chuan, NCC-in India ram tana hna a thawh hrang hrang, a bik takin vantlang mipui leh ṭhalaite hmasawnna tura ṭan a lâk dan te, faina leh thianghlimna inzirtir leh, sik leh sá humhalhnaa thâ an thawhte fakawm a tih thu a sawi a ni.

Lt.Gen. Gurbirpal Singh chuan, Mizoramah NCC unit pali - Aizawlah pathum leh Lungleiah pakhat a awm thu a sawi a, "Mizoram University-ah NCC dah tura hmalak mek a ni a, Assam leh Tripura-a state university-ahte pawh dah belh tum a ni," a ti.