International Women’s Day hmang

Mizoram Christian College (MCC) chuan an college-a Gender Sensitisation Cell huaihawtin nimin khan International Women’s Day an hmang. Power & Electricity engineer-in-chief Lalhmingliani Hmar khuallian niin, Prof. Lalneihzovi, MZU Department of Public Administration khual-zahawm a ni.

Inkhawm hi MCC assistant professor Dr Lalhlimpuii'n a kaihruai a, MCC principal Dr Tawnenga leh assistant professor Dr Vanlalpari ten thu an sawi a; Lalhming-liani Hmar-in International Women’s Day thupui 'Embrace equity' (thlei bik nei loa intluktlanna chawisan) tih a sawi a, Prof. Lalneihzovi'n khawvela hmeichhiate tawrhna hrang hrang a sawi bawk.