TRC-ah hmeichhiate chanchin zirho a ni

T Romana College-a Women Cell, IQAC leh English department-te chuan nimin khan an college-ah hmeichhe chungchang zirhona, 'National Seminar on Gender Sensitization and Women’s Professionalism: Issues and challenges' an buatsaih a; Mizo hmeichhia, ram leh hnam tana thawh hlâwkte chawimawina an hlân.

Zirhona hi TRC associate professor Catherine Lalhruaitluangi Chhangte-in a kaihruai a, Mizoram University-a College Development Council (CDC) director Prof. Lalbiakdiki Hnamte-in thu a sawi. Ram chhung leh páwn aṭanga mithiam telte thuziak zirho a ni. TRC principal Dr Jennifer Lalbiakdiki'n Mizo hmeichhe chhuanawm 13-te chanchin a ziahna lehkhabu, 'Mizo nu danglamna thlentute' tih chu tlangzarh a ni bawk.