Aibawk Sports Complex hawng

Rural Development minister Lalruatkima chuan nimin khan Aibawk Mini Sports Complex a hawng a, RD department-in Mini Sports Complex enkawl tura a ruat Management Committee hnenah a hlan nghal. Hawnnaah hian Lalruatkima bakah, bialtu MLA Prof. F Lalnunmawia ten thu an sawi.

Sorkar thuchhuah tarlan danin, Aibawk Mini Sports Complex hi DoNER Ministry hnuaia NLCPR aṭanga hmuh cheng nuai 400 hmanga siam a ni a, contractor chu North East Consultancy Services (NECS) a ni. October 26, 2017 khan tender chhuah a ni a, February 5, 2018-ah NECS hnenah hna pek a ni.