Science & Maths Olympiad

Samagra Shiksha, Champhai district chuan zirlaite zingah science leh mathematics chawi lâr a nih theih nan leh an tui theih nan GM High Sçhool-ah Science and Mathematics Olympiad 2022-23 a buatsaih.

Olympiad-ah hian Samagra enkawl sikul pakua bakah, private school pali aṭangin pawl 6-9 zirlai 191 an tel a; pawl 6 zirlai 41, pawl 7 zirlai 52, pawl 8 zirlai 41 leh pawl 9 zirlai 57 an ni.

Zirlai ti ṭha, pakhatna aṭanga pathumnate hnenah lawmman hlan a nih dawn bakah, palina aṭanga 10-nate hnenah Rs 500 ṭheuh hlan a ni ang.