BSF-in hriselna dinhmun enfiahsak

Border Security Force (BSF) 163 battalion chuan March 18-19 khan leh Silkur leh Tippereghat khuaah a thlàwna inentirna an buatsaih a, mi 430 vel an inentir. BSF-te hian Inrinni khan Silkur khuaah a thlàwna inentirna buatsaihin, mi 300 vel an inentir a, nimin khan Tippereghat-ah buatsaih lehin, mi 130 vel an inentir a ni.

BSF-te hian khaw pahnihah hian zirlaite hnenah - school bag, notebook, pen, pencil, white board leh zirna atana an mamawh dangte leh, football leh volleyball bungruate an sem nghal bawk. BSF hotute chuan, civic action programme chu ramri depa awmte dinhmun chawikanna tura kalpui tur a nih thu leh, hmun kilkhâwr lehzual tuam kim an tum thu sawiin, hriselna, zirna leh infiamna chu an ngaih pawimawh lehzual thu a sawi.