World Oral Health Day hman a ni

Nimin kha World Oral Health Day (ka chhung hriselna ní) a ni a, thupui chu 'Be proud of your mouth' tih niin, Mizoram hmun hrang hrangah hman a ni.

Aizawlah chuan Direc­torate of Health & Medical Education confe­rence hall-ah World Oral Health Day hman niin, Health and Family Welfare Board vice chairman Dr ZR Thiamsanga, MLA-in a hmanpui.

Dr ZR Thiamsanga chuan, zûk leh hmuam tih nasat avanga natna, a bikin cancer vei an tam thu sawiin, "Ka chhung hrisel inzirtirna kawngah nasa taka ṭan kan lâk thar a ṭul. Zûk leh hmuam, ruih theih thil reng reng kan káah lut lo turin mi tinin kan ka chhung kan vawn thianghlim a ṭul a ni," a ti.

World Oral Health Day hmanna inkhawm hi NHM mission director Dr Eric Zomawia'n a kaihruai a, Civil Hospital, Aizawl deputy medical superintendent Dr Thangsailova'n ka chhung hrisel pawimawhna a sawi a ni.