Sikkim aṭangin ILP kalpui dan an rawn zir

Sikkim sorkara ILP Committee member pali chu Mizorama Inner Line Permit kalphung zir turin Aizawl an rawn zin a, nimin khan Home secretary H Lalengmawia pisaah Home department leh Aizawl DC aiawhte nen an inkâwm.

Sikkim sorkar aiawhte chuan, Sikkim-ah tualchhung mi ni lo, eizawnna leh thil dang vanga lut an tam avangin tualchhung mite'n harsatna an tawh mek thu leh, ILP hmang mek state dangte kalphung pawh zir an tum thu an sawi.

Sikkim aṭanga lokalte hi Health secretary Yshewang Gyachho leh Home secretary Tashi Cho Cho-in an rawn ho a ni.