Deputy CM-in lungphùm phúm

Deputy chief minister Tawnluia chuan nimin khan MacDonald Hill-a Mizo High School Field-ah multipurpose playground sakna tur lungphùm a phúm. Multipurpose play­ground hi cheng vbc. 16 sênga siam tur a ni a; metre 73X33-a zau khel­mual, cricket pitch, outdoor gym, cycle track, jogging track, naupang intihhlimna hmun leh lirthei dahnate a awm dawn a ni.

Tawnluia hian nimin vêk khan Chawnpui Veng Multipurpose Hall sak tur leh Model Middle School sak tur lungphùm a phúm bawk a, School Education minister Lalchhandama Ralte-in a ṭawiawm. Chawnpui Multipurpose Hall leh Model M/S hi Mizoram sorkar sum (state fund) nuai 700 hmanga sak tur a ni a, contractor chu LHM Infra, Khatla, Aizawl a ni.