Pachhunga College-ah World Poetry Day hman a ni

Nimin khan Pachhunga University College seminar hall-ah World Poetry Day hman a ni a, minister of state Robert Romawia Royte-in hmanpuiin, Mizorama ṭawng hman tlángláwn ber Mizo (Duhlian) ṭawng chu Indian Constitution 8th Schedule-ah telh ni se a duh thu a sawi.

Robert Romawia chuan, Mizo ṭawng chu 8th Schedule-ah dah a nih chuan hmasawnna a awm tura a ngaih thu sawiin, "Zir chiangtu te, thuziak mite leh sumdawnna thlengin awlsam zawkna a thlen ang a, Mizoram MP-te pawhin Parliament-ah mahni ṭawng ngeiin thu an sawi thei ang. Ṭhalaite'n UPSC main exam-ah optional-ah literature subject pakhatah an hmang thei dawn bawk a ni," a ti.

World Poetry Day pual hian seminar buatsaih niin, thupui chu 'Revisiting Mizo poetry’ tih a ni a; Robert Romawia hian Mizo Poetry Society buatsaih ‘Zaikungthar' volume-5 a tlangzarh a ni.