Zohmun-in Forest RO tun thla chhunga sawn chhuah an duh
Zohmun khuaa a VC leh tlawmngaipawl hrang hrang chuan Zohmun Forest Range Officer chu tun thla (March) chhung ngeia sawn chhuak tur leh a aiawh dah nghal turin Mizoram sorkar an ngen.
Zohmun VC leh tlawm-ngaipawl hrang hrangte chuan thu chhuah inṭawm siamin, Zohmun All NGO leh VDP-te'n ruihhlo do kawnga hma an laknaah March 18, 2023 khan Forest RO P Lalṭhapuia zu an man sak tih an tarlang a, "P Lalṭhapuia chuan zu man sak a ni chu hrethiam loin ruihhlo dotute chu choin hmusit takin a ṭawng khum a, keini khawtlang tana thawktute leh sorkar duh anga hmala mektute hetianga RO-in vaua ṭawngkam mawi lo taka min ṭawng khum hi kan hrethiam lo hle. RO hi ruihhlo phurh leh dahṭhat chungchangah nasa takin a inrawlh," an ti.