Kângmei laka fimkhur turin chah

Lunglei DC Ramdinliani chuan kângmei laka fimkhur turin Lunglei district mipuite a chah a; veng tina Village Disaster Management Committee-te chu intuaithara in ralring reng turin a chah.

Bawrhsap chuan, kângmei chhuak a awmin a ti kangtu chhuichhuah chu village council mawhphurhna a nih thu a tarlang a, "Ram tikângtu hriat a nih veleh District Administration hnenah hriattir vat tur a ni. VC-tinin mahni khaw ram chinah ram kang emaw, in kang emaw a awm a nih chuan a rang thei ang berin District Emergency Operation Center (DEOC) Toll Free Number 1077-ah emaw, bialtu Zonal Officer leh Fire department-ah te hrilhriat vat zel tur," a ti.