Working Committee on Ruihhlo Do ṭhukhawm

Nimin khan Working Committee on Ruihhlo Do chu an chairman, Social Welfare minister Lalrinawma hoin Sec-retariat conference hall-ah an ṭhukhawm.

Social Welfare Minister chuan member hrang hrangte ruihhlo dona kawnga an thawhrimna leh inpekna chu ropui a tih thu sawiin, "Theihtawp chhuah zel a ṭul. Ruihhlo do kawngah hian kan ṭanrual a ngai takzet," a ti a, an hmalaknate theihtawp chhuaha ṭawiawm zel turin mipuite leh pawl hrang hrangte a sawm.

Mizorama ruihhlo lo hluar ta em em dona kawnga thâ thawh nasa tlawmngai pawl hrang hrangte leh sorkar department-te hman tur Mizoram sorkarin cheng vbc. 3 Core Committee on Ruihhlo Do hnenah a pe a ni. Meeting hian a sem zai dan tur an rel a, remchang hmasa berah pawisate hi a dawng tura thlante hnenah chief minister Zoramthanga hoa sem nise, an ti.

Meeting-ah hian Social Welfare director Zodingpuii, Mizoram Police, Excise & Narcotic, CID, Central YMA, MSACS, MZP leh MSU aiawhte an tel.