Dan bawhchhia mi 35 man tawh

Siaha District Level Coordination Committee on Tobacco Control Meeting cum Training Programme chu nimin khan DC conference room-ah bawrhsap Lalhmunsanga Hnamte hoin neih a ni.

Meeting-a tarlan a nih danin, April 2022 aṭanga March 2023 chhungin Anti Tobacco Squad Drive vawi 25 neih a ni a, dan bawhchhia mi 35 man niin, an pawisa chawitir tlingkhawm chu Rs 2,110 a ni.

District Hospital Siaha-a Tobacco Cessation Clinic-ah vaihlo nghei tum inziak lut mi 249 an awm tawh.

Mizoram leh Arunachal Pradesh chu India rama naupang kum 13-15 inkar zuk leh hmuam ti tamna ber state a ni.