Cheng vbc. 390.4 hu damdawi man

23 Sector Assam Rifles leh Custom department ṭangkawp chuan March 22, Nilaini khan Triprolidine HCL leh Pseudoe­phedrine HCL tablets 39,04,000 an man. Damdawi hi cheng vbc. 390.4 man hua chhut a ni.

23 Sector Assam Rifles leh Custom department-te hian an thudawn bawhzuiin, Aizawl aṭanga Myanmar lama thawn tur nia hriat damdawi hi an chàng a, Ruantlang, Cham­phaiah an lo man a ni. Dam­dawi kaihhnawihah hian Lalchhuansanga, Ruantlang nia inchhal pawh an man tel.

Assam Rifle thuchhuah tarlan danin, Triprolidine HCL leh Pseudoephedrine HCL tablets hi methamphetamine siamna atan Myanmar-ah thawnin, India ramah rawn zawrh leh tura ruahman a ni.