Ration card várte tana buhfai man Tihto rawtah thutlukna la siam lo

Mizoram sorkarin ration card var neite tana buhfai man tihsan chungchang zir chiang tura committee a din, deputy chief minister Tawnluia kaihhruai chuan thutlukna an la siam lo.

Food, Civil Supplies & Consumer Affairs (FCSCA) department chuan ration card vár neite tana buhfai man tihsan rawtna sorkarah a thlen a; Cabinet chuan Deputy Chief Minis­ter kaihhruaina hnuaia zir chian turin thu­tlukna a siam. Hemi chung­changah hian pawl hrang hrang biak an ni.

Mizoram sorkar chuan buhfai kg. khat Rs 27.30-in a lei a, Rs 15-in an pe chhuak ṭhin. Sorkar laipuiin buhfai man titoin, Open Market Sale Scheme (OMSS) hmanga kg. khat Rs 24-a a pek ṭhin chu Rs 34-in an rawn zawrh (offer) a ni. Economic cost-ah chuan kg. khat Rs. 37 a ni tawh.

FCSCA department aṭanga thu dawn danin, Deputy Chief Minister kaihhruai committee hian thutlukna an la siam lo a, an siam hunah Cabinet ngaihtuah turin chhawp leh a ni ang.