Champhaiah ram dilna 509 pawm

Champhai Town Land Committee chu an chairman James Lalrinchhana, district bawrhsap hoin nimin khan DC conference hall-ah an ṭhukhawm a; Champhai khawpuia veng leh khua 15 aṭanga house pass dilna 501, periodic patta dilna pasarih leh WRC periodic patta dilna pakhat an pawm.

Champhai khawpuia veng leh khua 15 aṭanga dilna lut hrang hrang 509 - house pass dilna 501, periodic patta dilna pasarih leh WRC periodic patta dilna pakhat chu Land Revenue & Settlement department zirchianna leh record neihte behchhana zirchian a nih hnuah pawm a ni a; heng zinga dilna pahnih, EPIC No. thehluh tawh, fiah tawk lote erawh a thara thehlut leh tura hriattir ni se an ti.

He hunah hian Land Committee inkaihhruaina leh hnathawh dan tur sokarin a duante zirho a ni a, dan loa in hmun leh ram neih a nih loh nana hmalak ṭulte sawihoin, mipuite chu chhiah pek ngaipawimawh tur leh ṭha taka sorkara leiman chhunglut zel ṭhin turin an ngen nghal bawk.

Ṭhutkhawmnaah hian sorkar department hotu te, VC leh political party aiawhte an tel a ni.