Kuhva rah ip 205 man a ni

Saitual Police-te chuan an thudawn bawhzuiin nimin khan kuhva rah ip 205 (kgs. 16,400 vel) chu lirthei pali aṭangin an man.

Kuhva rah hi 207 pickup Roluahpuia khalh aṭangin ip 30; 207 pickup Zohmangaiha khalh aṭangin ip 30; Ashok Leyland truck Lalrintluanga khalh aṭangin ip 85 leh 407 truck Lalawmpuia khalh aṭangin ip 60 an man a ni.

Kuhva rah hi Zotlang, Champhai aṭanga Vai-rengte panpui a ni a, Saitual Police-te hian an lo man a; lirthei khalhtute hian Ngur, Champhai district mi vek niin an inchhal.

Dan anga hmalak zui turin a phurhna lirtheite nen Custom Preventive Force, Seling kutah an hlan a ni.