Direct funding kan dil hi inlâk hran tumna a ni lo - MADC CEM

Mara Autonomous District Council (MADC) chief executive member M Laikaw chuan, auto­nomous district council (ADC)-te'n direct funding an dil chu inlâk hran tumna a nih loh thu a sawi.

Tun hnaia MJA General Conference, Siahaa neih a hmanpuinaah M Laikaw chuan, "ADC-te tana direct funding kan dil hi inlâk hran tumna a ni lo. Direct funding hi nei ila chuan central aṭangin keimahni'n hmasawnna hna thawhna tur kan zuk dil thei ang a, state sorkar sum hmang loin hmasawnna hna kan thawk thei dawn a ni," a ti.

MADC CEM chuan, ADC-te chu state sorkar­in subject 10 a pek thu sawiin, "Mahse, chu'ng subject 10 zinga ṭhenkhatah chuan state sorkar hi a in withdraw chuang si lo. ADC leh state sorkar parallel-in a kal a, min tibuai hle a ni," a ti a, corrup­tion pawh a awm phah thei nia a lan thu a sawi.