Pawl 6-in thisen unit 327 pe

March 25, Inrinni khan Mizo ṭhalaite'n páwl paruk hmingin hmun hrang hrangah thisen unit 327 an pe. Civil Hospital, Aizawl tan General PYD (NEI)-in blood bank-ah kalin thisen unit 129 an pe a, PYD Chaltlang bial pawhin unit 16 an pe. YMA, Bethlehem Vengthlang Branch chuan an hall-ah unit 83 an pe a, petute mipa 71 leh hmeichhia 13 an ni.

KṬP, Hlimen Branch chuan ZMC blood bank tan thisen unit 44 an pe a, petute mipa 28 leh hmeichhia 16 an ni a; KṬP, Lily Veng North Branch pawhin an din champha pualin Synod Hospital tan unit 28 an pe a, petute mipa 25 leh hmeichhia pathum an ni.

Serchhip Bial PYD (NEI) member mipa 20 leh hmeichhia pasarih pawhin Serchhip District Hospital-ah thisen unit 27 an pe bawk.