MPYCC-in hmasawnna thlentu LMC sorkar din an tiam

Mizoram Pradesh Youth Congress Committee (MPYCC) chuan, March 29, 2023-a Lunglei Municipal Council (LMC) inthlan turah Lunglei khawpui hmasawn nan Congress party candidate-te vote turin mipui an ngen a; Lunglei hmasawnna thlentu LMC sorkar din an tiam.

MPYCC chuan thuchhuah siamin, "Pathian leh Lunglei mipui zara LMC inthlanah hlawhtlinna chang a, sorkar siamtu kan nih hlauh chuan LMC sorkar ṭha, Lunglei hmasawnna thlentu leh mipui phurrit siamtu ni lo, chhâwk zângkhai tur kan siam dawn tih Lunglei mipui kan tiam a ni," an ti a; inthlan dawn hnaiha sum hmanga vote lei tumte hnâwl tur leh chhia leh ṭha hriatna hmanga aiawh thlang turin Lunglei mipui an chah a ni.