Lungleiah rualbanlote enkawl dan inzirtir

Sorkar laipuia Ministry of Social Justice and Empowerment hnuaia National Institute for the Empowerment of Persons with Intellectual Disabilities chuan Lungleiah March 23-24, 2023 chhung khan pianphunga rualbanlote enkawl leh zirtir dan training an buatsaih.

Inzirtirna hunah hian anganwadi-a thawk te, healthcare worker, special education teacher, social work zirlaite leh pianphunga rualbanlo nu leh pate an tel a; mi 10 hnenah pianphunga rualbanlote tan bika siam training & learning material sem a ni.