CM-in Champhai kawng a enfiah

Chief minister Zoramthanga chuan ni hnih chám turin March 25, Inrinni khan Champhai a pan a; kal pahin Champhai kawng siam mekte enfiah nghalin, NHIDCL hnuaia contractor-te chu hma an lak dante a sawipui.

Chief Minister hian NH-6 kawng siam mekah Dulte leh Tuichang inkar leh, Khawzawl leh Chhungte inkara kawng thar laihte a zawh a; Dulte-Champhai package-I siamtu contractor Dhariwal Buildtech Limited (DBL) leh NHIDCL aiawhte an hmalakna a sawipui a ni.

Thu dawn danin, CM Zoramthanga hi a ú Ch. Hranghleia (94), Champhai, March 23, 2023 tlaia a thih chungchanga Champhaia zin a ni a; Champhaiah hian Circuit House-ah minister of state TJ Lalnuntluanga, MLA Dr ZR Thiamsanga, district bawrhsap James Lalrinchhana, Champhai SP Lalrinpuia Varte, sorkar official leh khawtlang hruaitute'n an lo hmuak a ni.