Joint NGO-in Assam Rifle chhuak vat se an duh

NGO Coordination Committee (Joint NGO) chuan thuchhuah siam­in, Assam Rifles-te chu Aizawl hmun lailí aṭangin Zokhawsangah insawn chhuak thuai se an duh thu an tarlang a; AR hmuna ram (LSC) awmte chu titawp (cancel) turin sorkar thuneitute an ngen.

CYMA, MUP, MHIP, MZP leh MSU telna Joint NGO thuchhuah chuan, "Aizawl hmun laili aṭangin an hmun thar Zokhawsangah Assam Rifles-te hi insawn chhuak thuai se kan duh. Assam Rifles luah lai ram chhunga felhlel leh dik lo taka LSC neite hi a rang thei ang bera ram leh hnam rilru púa an pass (LSC) surrender (pe lêt) turin kan ngen nawn leh a ni," an ti.

NGO Coordination Committee chuan, tuna AR hmun chu Mizo mipui tana a awm zui zel theih nan tuna ram pass awmte chu cancel turin ram neitute leh thuneitute an ngen a; AR chhuahsan tur ram chu mipui tana ṭangkai thei ang bera hman a nih theih nan hma la turin Mizoram sorkar ngenin, a ṭul anga sorkar ṭawiawm an inhuam thu an tarlang bawk.