Tourism department-in lawmman a dawng

Nimin khan New Delhi-ah ni hnih awh tur National Conference on Tourism in Mission Mode ṭan a ni a, Mizoram Tourism department chuan Best Innovative Practices under Swadesh Darshan-ah lawmman pahnihna a dawng.

Conference on Tourism in Mission Mode-ah hian Union Tourism minister G Kishan Reddy, Tourism minister of state Tourism Ajay Bhatt leh Sripad Naik te bakah, state hrang hranga tourism minister leh tourism industry aiawhte an tel a; Mizoram Tourism minister Robert Romawia Royte pawh a tel.

Robert Romawia Royte chuan, Mizoramin Responsible Tourism Policy, 2020 a neih hmangin thingtlang hmun hrang hrangah Responsible & Sustainable Tourism kalpui mek a nih thu a sawi a, "Ministry aṭanga tourism infrastructure development hrang hrang hmangin Mizoramah nasa zawka tourism hmasawnna kalpui mek a ni a, Tourism department hian mirethei thleng phak hmasawnna a neih a ngai a ni," a ti.

Ministry of Tourism-in tourism hmasawnna tura mission mode kalpui a tum chu lawmawm a tih thu sawiin Robert Romawia chuan, tum leh hmathlir felfai tak neia tourism kalpui a nih chuan ram leh mipuite'n hlâwk zawkin tourism hmasawnna an chhawr theih tur thu a sawi.

Conference-ah hian Mizoram Tourism deptt. chuan Best Innovative Practices under Swadesh Darshan-ah Thenzawl Golf Course cafeteria ­in lawmman pahnihna a dawng a ni. Robert Romawia hi Tourism joint secretary V Lalengmawia'n a ṭawiawm.